UDAKU SPECIAL

Wanawake wengi walio kwenye ndoa wanahangaika na waume zao kwakuwa na uhusiano wa kimapenzi na michepuko. Yafuatayo ni mambo kumi ambayo yawezekana ulikuwa huyajui kuhusu wanaume wenye michepuko:

1: Wanaume wengi wanakuwa bado wanawapenda sana wake zao wakati huo wakiwa wanachepuka. Wengi huwa wanafanya hivi ili kuona mwanamke mwengine anaweza kumridhisha kwa kiasi gani, au wanaamua kuchepuka kutokana na migogoro iliyopo ndani ya uhusiano au ndoa yao.

2: Mara nyingi, wanaume wanachepuka na wanawake wanaojuana nao. Ni rahisi sana kwa mwanaume kuchepuka na mwanamke anayejuana naye kwakuwa kwa yule asiyejuana naye vizuri, inamaanisha mchakato wa kutongoza inabidi uchukue nafasi yake, wakati mwanaume anahitaji kumaliza shida zake za kufanya mapenzi kwa muda huo. Kuanza kuzungushana na mwanamke mpya ni sawa na kuishi matatizo ya uhusiano wake kwa mara nyingine zaidi, lakini kwa mwanamke anayejuana naye, hasa anayejua mgogoro wao wa uhusiano, ni rahisi kutimiza haja za mwanaume huyu kwa kumfariji.

3: Wanaume huchepuka kuokoa ndoa zao. Wanaume wanawapenda wake zao lakini wengi hawajui jinsi ya kutatua matatizo ya ndoa yao, kwahiyo wanajikuta wakienda nje ya ndoa kuziba mapengo yaliyomo kwenye ndoa yao. Wanaume wanataka kupata kila kitu na wengi wana mawazo kwamba mchepuko utamfanya asahau matatizo kwenye ndoa yake. Baada ya hapo wanaume wanarudi kwa wake zao na kuishi maisha ya furaha—wao na wake zao—bila kutafuta suluhu ya matatizo ya ndoa yao.

4: Wanaume huwa wanajilaumu baada ya kuchepuka. Wanaume wengi wakipata matatizo kwenye ndoa zao hukimbilia kwa michepuko kujaribu kupoza machungu yoyote waliyoyapata na mara baada ya kumaliza starehe alizofata hujikuta akijilaumu kwa kumsaliti mkewe na kutofanya jitihada ya kutafuta suluhu ya matatizo ya ndoa yao.

5: Wanaume wengi wenye michepuko hujificha wanapoanzisha uhusiano wa nje. Kujificha huku kunatokana na wao kujua wazi kwamba wanachokifanya si sahihi hivyo hawataki kuwasababishia machungu wake zao wakiwa na ufahamu kwamba matatizo yaliyopo kwenye ndoa yao hayana haja ya kuchochewa zaidi kwa kufanya uhusiano na mchepuko kuwa wazi kwa watu wengi, jambo litakalomuumiza zaidi mkewe.

6: Wanawake nao wanachepuka kwa spidi ileile ya wanaume na uhusiano huu ambapo mwanamke huwa anachepuka huwa ni hatari zaidi ya yale ambayo mwanaume ndiye anayechepuka. Utafiti uliofanywa na Chuo Kikuu cha Indiana nchini Marekani unaonesha kuwa wanaume na wanawake wanachepuka kwa uwiano sawa, lakini sababu zao za kuchepuka ni tofauti. Wameeleza kwamba wanawake wanapochepuka huwa ni kutokana na sababu za kujiridhisha kihisia. “Kuchepuka kwa mtandao—bila uhusiano wa kimwili—ni uchepukaji wenye madhara makubwa zaidi,” utafiti huo umebaini. Kutengeneza uhusiano wa kihisia (kinachofanywa na wanawake) na mtu mwingine inamaanisha umekubali kuachana na ndoa yako. Lakini kama ni muingiliano wa kimwili tu (unaofanywa na wanaume) huwa na hauumizi sana kwakuwa huchukuliwa ni kitendo kinachomuumiza mwenzio tu, na si kwamba amemponda mtu kihisia.

7: Mara nyingi mke huwa anajua kwamba mumewe ana mchepuko. Ingawa mwanaume huwa anadhani anajificha au anaficha uhusiano wake na mchepuko ili kuepuka kumuumiza mkewe, imebainika kuwa mara nyingi sana mke huwa anajua kuhusu mchepuko huo ila anabaki kuangalia nyendo za mumewe kuona kama zitasaidia kupoza mtafaruku uliopo kwenye ndoa yao.

8: Wanandoa hawawezi kutatua mgogoro wowote uliopo kati yao endapo mwanaume atakuwa na mchepuko. Hii ni kwa sababu mke anakuwa na kinyongo kwakuwa mumewe ana uhusiano wa kimapenzi na mwanamke mwingine, na mwanaume anakuwa na wasiwasi wa kuongea na mkewe kwa sababu ya kuhofia kuwa mazungumzo hayo yanaweza kuibua uhusiano wake na mchepuko. Hivyo, matatizo kwenye ndoa yanabaki kutotatuliwa kwakuwa wanandoa wenyewe hawapati muda wa kuyazungumza na kutafuta suluhu.

9: Mara nyingine kuwa na mchepuko husaidia kutatua matatizo ya ndoa. Je, michepuko ndio chanzo cha kuvunjika kwa ndoa? Si mara zote. Kwakuwa uhusiano mpya unakuwa na hamasa kubwa, mchepuko unaweza kusaidia kuamsha hisisa za mapenzi yenu. Mwanaume hujua nani anayemtaka maishani mwake na kwamba uhusiano alioanzisha na mchepuko hauna utulivu kama alivyotarajia. Kama ilikuwa ni kujisahau kwa mara moja tu basi ni rahisi kwa mwanaume huyu kurudi kwa mkewe.

10: Mke si wa kulaumiwa kwa mumewe kuwa na mchepuko. Zingatia mfano ufuatao: kama mumeo ana mchepuko, hili si kosa lako, haijalishi watu watakwambia nini. Mwanaume anapochepuka ujue ameamua mwenyewe kufanya hivyo. Mawazo kwamba ameshawishika au ameteleza na kujikuta amefanya mapenzi na mchepuko si kweli kabisa. Mwanaume hachepuki kwa sababu ya vitu atakavyovipata kwa mwanamke mwingine, anachepuka kwa kufikiria vitu anavyovikosa kwa mwanamke wake. Lawama zinaibuka kwa sababu ya wawili hao kudharau matatizo waliyonayo na kutoyatafutia suluhu.

Baba Achapwa Viboko na DC Baada Watoto wake Kuvunja Kioo cha Gari

MKUU wa Wilaya ya Chemba, Simon Odunga amemcharaza viboko mzazi wa mmoja wa watoto walioshambulia gari lake kwa mawe na kuvunja kioo cha nyuma jana.

Gari hilo lenye namba za usajili STL 669, lilishambuliwa na watoto watatu katika barabara kuu ya Kondoa-Dodoma, kwenye kijiji cha Paranga wilayani Chemba.

Kufuatia kupasuliwa kwa kioo hicho, DC alisimamisha gari hilo na kuwakimbiza watoto waliolipiga mawe, hali iliyozua purupushani kwa muda.

DC huyo aliwakimbiza watoto hao kwa lengo la kuwakamata na kuwaadhibu lakini hakuweza kuwakamata baada ya kumzidi mbio.
Hata hivyo, wananchi walioshuhudia tukio hilo walimtajia DC majina na sehemu wanakoishi watoto hao ili awafuate majumbani kwao.

Ndipo mmoja wa wazazi wa watoto waliohusika na shambulio hilo alikutwa nyumbani akiendelea na shughuli zake na alipohojiwa na DC kuhusu malezi ya mtoto wake, aliingia katika majibizano yaliyomkera DC Odunga.

"Malezi? Malezi gani unataka kwangu? Mtoto ametoka shule, mimi nitajuaje anayoyafanya mtaani?" Aliuliza mzazi huyo wa kiume na kufafanua kuwa "mimi najua (mtoto) yuko shule, sijui kama amevunja kioo chako."

Ndipo DC alipoonekana kukerwa na majibu hayo hivyo kuchukua fimbo na kuanza kumcharaza mzazi huyo huku akimshutumu kwa malezi mabaya.

DC alimcharaza viboko mzazi huyo wa kiume kabla ya kumuingiza kwenye gari la polisi akiwa amefungwa pingu, kwa madai ya kuendelea kujibu kwa jeuri wakati akiulizwa maswali kuhusu malezi ya mtoto wake.

Mzazi huyo aliendelea kujibu kuwa hastahili kupigwa kwa kuwa kosa si lake na kusema kuwa apelekwe popote pale, lakini haki yake itajulikana kwa sababu wakati watoto hao wanapiga mawe kioo cha gari yeye hakuwepo.

Watoto watatu hao waliofanya tukio hilo wanakadiriwa kuwa na umri wa kati ya miaka saba hadi 10.

Mwandishi wa habari hizi alishuhudia Odunga na mzazi huyo wakivutana huku mzazi akisikika akisema "aliyevunja kioo ni mtoto... chukueni tu hatua vyovyote haki yangu nitaipata".

Mwenyekiti wa kitongoji anakoishi mzazi huyo aliingilia kati na kudai kuwa matukio hayo ya kurushia mawe magari katika eneo hilo yapo na walishayakemea katika mkutano wa kitongoji yakapungua.

Alisema wahusika huwa ni watoto na vijana wa eneo hilo.

Akizungumzia tukio hilo, Odunga alisema kijiji hicho kimekuwa na tabia ya kuweka mawe barabarani pamoja na kupiga magari mawe jambo ambalo siyo sahihi.

Alisema wanajipanga kwa ajili ya kuanza operesheni ya kuhakikisha tabia hiyo inakomeshwa kabisa "kwa sababu ni hatari kwa wasafiri na jamii kwa ujumla".

Alisema wataendelea na msako wa polisi ili kubaini familia ambazo zina vijana wenye tabia hiyo kupitia jamii inayowazunguka.
Kufuatia purukushani hiyo gari la polisi wilaya lilitinga katika eneo hilo na kuwachukua watu sita wakiwahusisha na upigaji mawe magari, akiwemo mtoto mmoja aliyetajwa kuhusika jana.

Kamanda wa Polisi mkoani Dodoma, Lazaro Mambosasa, alithibitisha kutokea kwa tukio hilo huku akisema ameagiza watu hao waliokamatwa watolewe rumande.

Alisema Jeshi la Polisi litaendelea na upelelezi kwa ajili ya kukusanya ushahidi wa tukio hilo na baadaye hatua zaidi zitachukuliwa kwa wahusika.

Kamanda Mambosasa alisema amechukizwa na kitendo cha Mkuu huyo wa Wilaya kujichukulia sheria mkononi na kumjeruhi mzazi huyo.

"Amemjeruhi maeneo ya kichwani kwa rungu na mkono wake umevimba kutokana na kipigo alichokipata." alisema Kamanda Mambosasa. "Hii si haki kiongozi kujichukulia sheria mkononi."

Aidha, Mambosasa alisema mtoto aliyevunja kioo ni wa miaka tisa hivyo kisheria hawezi kushtakiwa popote kwa kuwa analindwa na sheria.

Kutokana na kuwepo kwa vitendo vya wizi na uporaji wa mali za abiria katika vituo vya daladala vitendo vinavyofanywa na baadhi ya watu wanaojulikana kwa jina la wapiga debe ,Jeshi la Polisi kanda Dar es salaam limepiga marufuku shughuli za upiga debe

Jeshi la Polisi limeahidi kuwachukulia hatua baadhi ya madereva na makondakta watakao ruhusu magari yao kupigiwa debe na vijana hao

Aidha Jeshi la polisi kanda maalum ya Dar es salaam katika oparesheni zake limefanikiwa kuwakamata zaidi ya watu 270 wanaotuhumiwa kujihusisha na makosa mbalimbali ya hihalifu ikiwemo unyang'anyi kwa kutumia nguvu na silaha na kukutwa na dawa za kulevya.

KIUNGO mpya wa kimataifa wa Simba, Mnyarwanda Haruna Niyonzima, amewafichulia wapinzani wao wote wa Ligi Kuu Bara mambo ya ndani kuhusu kiwango chao akiwataka kujipanga vilivyo kuelekea ligi hiyo hapo Agosti 26, mwaka huu.

Akizungumza na gazeti hili jana, Niyonzima alisema kiwango walichoonyesha katika mechi dhidi ya Rayon ni sehemu ndogo ya "ufundi" walionao wachezaji wa timu hiyo ambao msimu ujao wamejipanga kuipa klabu yao mataji.

Kiungo huyo aliyetua Simba hivi karibuni kwa kusaini mkataba wa miaka miwili akitokea kwa mabingwa wa Ligi Kuu Tanzania Bara, Yanga, alisema kila mchezaji aliyesajiliwa Simba anafahamu kiu ya wanachama na mashabiki wa klabu hiyo ambao wamekosa ubingwa kwa miaka minne.

Niyonzima alisema kuwa kwa sasa wanaendelea kujifua na kabla ligi haijaanza, watakuwa wameimarika zaidi kwa sababu wachezaji wote wamekamilika na wanafanya mazoezi ya pamoja.

"Tutakuwa wazuri zaidi ligi itakapoanza, tulionyesha kiasi kidogo tu cha uwezo wetu, naamini mashabiki wetu watafurahi zaidi," alisema kiungo huyo wa zamani wa APR.

Naye kipa Aishi Manula alisema kuwa kikosi chao kinaimarika zaidi kila siku zinavyoongezeka huku ushindani wa namba ukiongezeka.

"Kambi ilianza kwa makundi, baadhi tulikuwa katika timu ya Taifa (Taifa Stars) na wengine mchakato wa usajili ulikuwa haujakamilika, sasa tuko pamoja na tunaahidi kuendelea kujituma," alisema kipa huyo aliyetua Msimbazi akitokea Azam FC.

Wakati huo huo, Mkuu wa Idara ya Habari na Mawasiliano wa klabu hiyo, Haji Manara, alisema kuwa wako katika mazungumzo ya mwisho ya kupata mechi ya kirafiki dhidi ya Mtibwa Sugar ambayo inatarajiwa kufanyika kesho kwenye Uwanja wa Uhuru jijini Dar es Salaam.

Latest Images